"Sehrli Şans Gecəsi" adlı təqdimat mərasimində şirkətin tirajlı lotereya oyunlarının dəyişilən loqoları, eləcə də rəsmi veb-saytı nümayiş etdirilərək oyunçuları sevindirən yeniliklərə imza atılıb.

Əsas yeniliklərdən biri "Meqa 5/36" oyununu əvəzləyən “Beşdə 5” lotereyası olub. Bu oyunda 36 rəqəm arasından 5 sevimli rəqəmi seçməklə hər gün 50 000 manat böyük uduş qazanmaq şansı var. Artıq son 2 həftədə "Beşdə 5" lotereyasında 3 dəfə 50 000 manat udulub.


Bundan başqa, “4+4” lotereyasında 500 000 manatdan çox cekpot oyunçuları gözləyir, “Super Keno”da isə böyük uduşun məbləği 1 000 000 manat təşkil edir.

Daha sonra "Sehrli Şans Gecəsi"ndə “Azərlotereya”nın tamamilə yenilənmiş rəsmi veb-saytı təqdim olunub. Artıq istifadəçilər Azerlotereya.com saytında da onlayn şəkildə oyunları oynamaq və öz şanslarını yoxlayaraq qazanmaq imkanı əldə edə bilərlər.

Təqdimat mərasimində çıxış edən "Azərlotereya"nın İdarə Heyətinin sədri Osman Karakuş şirkətin son 3 ildə qazandığı çoxsaylı nailiyyətlərdən, cəmiyyətimizin inkişafına töhfə verən sosial layihələrdən bəhs edib. Bildirilib ki, şirkət şəffaf fəaliyyəti, müasir innovativ yanaşması ilə müştərilərinə bir-birindən maraqlı və əyləncəli şans oyunları təqdim edir.

Gecədə sevimli rəqəmlər həyatını dəyişər şüarı ilə lotereya oyunlarının qədim ənənəsindən, bu vaxta qədər keçdiyi uzun yoldan danışılıb. Gecənin sonuna musiqili şou proqram ilə davam edilib.

AzVision.az

Qalereya