Paşinyan milli təhlükəsizlik strategiyasına dair komissiya yaradıb

Paşinyan milli təhlükəsizlik strategiyasına dair komissiya yaradıb
  19 Fevral 2025    Oxunub:1016
Ermənistanın baş naziri Nikol Paşinyan milli təhlükəsizlik strategiyasının nəzərdən keçirilməsi üçün idarələrarası komissiyanın yaradılması haqqında fərman imzalayıb.
AzVision.az xəbər verir ki, bu barədə yerli media məlumat yayıb. Qeyd edilib ki, komissiyaya Təhlükəsizlik Şurasının katibi Armen Qriqoryan rəhbərlik edəcək.

"Bəzən ümumiyyətlə qalxmır..." - Paşinyan reytinqindən danışdı
"Komissiyanın tərkibinə nazir müavinləri və təhlükəsizlik orqanlarının rəhbərləri, parlamentin müdafiə və xarici əlaqələr komissiyalarının rəhbərləri də daxil olacaq. Milli təhlükəsizlik strategiyasındakı dəyişikliyi isə yanvarın 28-də baş nazir Nikol Paşinyan özü bəyan etmişdi",- "Sputnik Armeniya" yazıb.

Xatırladaq ki, yeni milli təhlükəsizlik strategiyası 2020-ci ildə qəbul edilib. Sənəddə Azərbaycan əleyhinə detallar da var. Belə ki, sənəddə ermənilərin öz ölkələrinin fəxri vətəndaşları, Üçüncü Ermənistan Respublikasını quran və "Artsax"ı (Qarabağa verilən qondarma ad-red.) "azad edən" bir xalqın varisləri olduğu vurğulanır.
Tural Tağıyev
AzVision.az



Teqlər:   Ermənistan   Paşinyan  



Xəbər lenti


Azvision.az ©2014 | Bütün hüquqları qorunur