İstanbulda və Ankarada toqquşmalar yaşanır - VİDEO

İstanbulda və Ankarada toqquşmalar yaşanır - VİDEO
  22 Mart 2025    Oxunub:758
Bu gecə Türkiyənin paytaxtı Ankarada və İstanbul şəhərlərində etirazçılarla hüquq-mühafizə orqanları əməkdaşları arasında toqquşmalar davam edib. Gərgin vəziyyət qalmaqdadır.
AzVision.az xəbər verir ki, İstanbulun Vəkillər Kollegiyasının üzvləri mərkəzi “Taksim” meydanında yürüş təşkil ediblər. Türkiyənin ən böyük şəhərində etirazlar səngimir. Ankarada polis etirazçıları dağıtmaq üçün su şırnaqlarından istifadə edir.

Türkiyənin Daxili İşlər naziri Əli Yerlikaya “mitinqlərdə təxribat törətmək istəyən” 97 etirazçının saxlanıldığını açıqlayıb.

“Polisimiz türk xalqının əmin-amanlığını və təhlükəsizliyini pozmağa çalışan, vandalizmlə məşğul olanların hərəkətlərinə dözməyəcək”, - nazir vurğulayıb.

İmamoğlu və PKK I 106 nəfər saxlanılıb, hesablara həbs qoyulub
Türkiyə Prezidentinin Kommunikasiya İdarəsinin dezinformasiya ilə mübarizə şöbəsinin yaydığı bəyanatda bəzi xarici KİV-lərin gənc etirazçının polis tərəfindən öldürülməsi ilə bağlı iddiaların həqiqətə uyğun olmadığına diqqət çəkilib.



- Bəzi xarici media etirazları manipulyasiya etmək üçün yalan bəyanatlar verir”, - məlumatda bildirilir.

Bu arada türk tələbələrin bazar ertəsindən etibarən dərsləri boykot etmək qərarına gəldiyi barədə açıqlama verilib.

İstanbulun həbsdə olan meri Əkrəm İmamoğluna dəstək məqsədilə İzmir, Kayseri və Şanlıurfada da mitinq və yürüşlər keçirilir. Paytaxtda bir neçə min insan Güvən parkına toplaşıb və burada bələdiyyə sədri Mansur Yavaş onlara müraciət edib.



Sahil İsgəndərov
AzVision.az


Teqlər:   Ankara   İstanbul   toqquşmalar  





Xəbər lenti


Azvision.az ©2014 | Bütün hüquqları qorunur