AzVision.az xəbər verir ki, senator Con Kennedi “Fox News Sunday” verilişinin son buraxılışında Putinin Trampa verdiyi bütün vədlərindən imtina etdiyini və Rusiya liderinin son təklifinin heç nə olmadığını bildirib. Putin, sadəcə, ələ keçirdiyi bütün əraziləri saxlamaq istəyir.
“Putin Ukraynanın NATO-ya üzvlüyünü qadağan etmək, Amerika və Avropanın Ukraynaya yardımını dayandırmasını istəyir. Putin elə bilir ki, biz ondan qorxuruq. O, hər addımda prezident Trampı ələ salır və prezidentimizə qarşı hörmətsizlik edib. Biz Putinə onu və ölkəsini balıqlar üçün yemə çevirməyə hazır olduğumuzu bildirməyincə, vəziyyətin yaxşılaşacağını düşünmürəm”, - senator vurğulayıb.
Onun fikrincə, Rusiyanı diz çökdürmək lazımdır, əks halda Moskva danışıqlar masasına oturmayacaq.
Xatırladaq ki, ABŞ prezidenti Donald Tramp Kiyevə raket zərbəsi endirilməsi ilə bağlı Kreml lideri Vladimir Putinin hərəkətindən məyus olduğunu və Rusiya liderinin müharibəni bitirmək üçün ciddi niyyətlərinə əmin olmadığını bildirib. ABŞ prezidenti rusiyalı həmkarının müharibəni bitirməyə hazır olduğunu nümayiş etdirməli olduğunu vurğulayıb.
Sahil İsgəndərov
AzVision.az
“Rusiyanı diz çökdürmək lazımdır” - Kennedi
28 Aprel 2025
Oxunub:396
Respublikaçı senator Con Kennedi ABŞ prezidenti Donald Trampı Rusiya lideri Vladimir Putini öz yerinə oturtmağa çağırıb.
Teqlər: Kennedi Rusiya çökdürmək
Vaxtında, Aydın, Lazımlı!
-1745759929.jpg&h=120&w=187&zc=1&q=70')
-1745744127.jpg&h=120&w=187&zc=1&q=70')
