Bu barədə sözügedən təşkilatların birgə bəyanatında məlumat verilib. Əməliyyat çərçivəsində saxlanılanlardan biri - İordan vadisində yaşayan 33 yaşlı Mark Morqeyn iyun ayı ərzində əlaqə qurduğu İran agentinin göstərişi ilə məxfi yerdən başqa yerə qumbara aparmaqda şübhəli bilinir. Şübhəli bu partlayıcının İsrail vətəndaşlarına xətər yetirmək məqsədi daşıdığını bilsə də, tapşırığı yerinə yetirib. O, eyni zamanda, 12 günlük İsrail-İran müharibəsi dövründə İrandan atılan raketlərin zərərsizləşdirilməsini videoya çəkərək agentə göndərib.
Saxlanılanlardan digər ikisi - Tiberiya şəhərinin sakinləri 18 yaşlı Yoni Seqal ilə 20 yaşlı Nehoray Omri Mizrahiyə adı açıqlanmayan İsrail vətəndaşını öldürmək tapşırılıb. Tapşırığı uğurla yerinə yetirəcəkləri təqdirdə yüz minlərlə şekel (İsrailin pul vahidi) müfakat alacaqları bildirilib. İranlı agent onlara üçüncü ölkənin ərazisində təlim keçmək və hədəfin şəxsiyyətini öyrənmək təklifi irəli sürsə də, plan baş tutmayıb.
Seqal və Mizrahi həmçinin ölkə ərazisindəki ticarət mərkəzləri və xəstəxanaları lentə almaqda, hər bir ticarət mərkəzinin planı, mağazaların və mühafizəçilərin sayı haqqında öz iranlı idarəçilərinə məlumat ötürməkdə şübhəli bilinirlər. Şübhəlilər Heyfa, Tiberiya və Tel-Əvivdəki ticarət mərkəzləri, eləcə də Tel-Əviv şəhərindəki "İçilov" xəstəxanası haqqında İran kəşfiyyatına məlumat göndəriblər.
Məhkəmə hər üç şübhəli barəsində həbs qətimkan tədbiri seçib.
Firudin Həmidli
AzVision.az
İsraildə İrana işləyən daha üç nəfər saxlanılıb
30 İyun 2025
Oxunub:1009
İsrail Polisi ilə ölkənin daxili təhlükəsizlik xidməti "Şin-Bet"in birgə keçirdiyi əməliyyat nəticəsində İran kəşfiyyatının lehinə işlər görən 3 nəfər ələ keçirilib.
Teqlər: İsrail İran casuslar həbs
Vaxtında, Aydın, Lazımlı!
-1780404767.jpg&h=120&w=187&zc=1&q=70')
