Siyyarto Ukraynanın son vaxtlar Macarıstanın təhlükəsiz enerji təchizatı üçün həyati əhəmiyyət kəsb edən “Dostluq” neft kəmərinə bir neçə hücum həyata keçirdiyini diqqətə çatdırıb.
- “Dostluq” kəməri olmadan Macarıstanı xam neftlə təmin etmək mümkün deyil. Ukrayna bunu yaxşı bilir. Ukrayna “Dostluq” neft kəmərinin Macarıstanın enerji təhlükəsizliyi üçün vacib olduğunu anlayır”, - Macarıstan XİN-in rəhbəri vurğulayıb.
|
| Ukrayna yenə “Dostluq” neft kəmərini vurub | VİDEO |
- “Dostluq” neft kəmərinə son hücum son dərəcə ciddi idi. Kəmərin təmir o qədər uzun çəkdi ki, biz strateji və ya qəza halları üçün topladığımız ehtiyatlarımızdan istifadə etməli olduq”, - Peter Siyyarto deyib.
O, qeyd edib ki, Budapeşt enerji təhlükəsizliyinə hər bir hücumu “suverenliyə hücum” kimi qiymətləndirir. Bu baxımdan, Macarıstanın suverenliyinə qarşı heç bir hücum qarşılıqlı nəticə olmadan qala bilməz.
Bu kontekstdə, Budapeşt “Dostluq” neft kəmərinə son dərəcə ciddi hücumlara görə məsuliyyət daşıyan Ukraynanın hərbi hissəsinin komandirinin Macarıstana və bütün Şengen zonasına daxil olmasına bir neçə il ərzində qadağa qoymaq qəraraına qərarına gəlib.
Macarıstanın Milli İmmiqrasiya İdarəsi həmin ukraynalı hərbçinin adını rəsmən açıqlayıb. Bu, 1975-ci ildə Zakarpatye vilyaətinin Ujqorod şəhərində anadan olmuş Ukrayna vətəndaşı Robert Brovdidir.
Sahil İsgəndərov
AzVision.az
Vaxtında, Aydın, Lazımlı!
-1780404767.jpg&h=120&w=187&zc=1&q=70')
