İlbər Ortaylı Naxçıvanı hara bənzətdi?

   İlbər Ortaylı Naxçıvanı hara bənzətdi?
  22 Sentyabr 2025    Oxunub:2000
"Naxçıvanın geoloji baxımdan çox bərəkətli torpaqları var. Tarix boyu bu torpaqlarda böyük şəxsiyyətlər yetişib". Bu sözləri Naxçıvan Dövlət Universitetinin fəxri qonağı, tanınmış tarixçi-alim, Türk Tarix Qurumunun fəxri üzvü, yazıçı İlber Ortaylı Ordubad rayonunun Kotam kəndinə gəzinti zamanı mətbuata verdiyi müsahibəsində söyləyib.
O bildirib: “Təbiət insanı heyrətləndirir. Bura “Peri bacaları” kimi ərazilərdir. Bunlar vulkanik püskürmələrin nəticəsində formalaşmış qaya kütlələridir. Anadolu ərazisində, məsələn, Sivrihisar və Afyon tərəflərində də oxşar yerlər var, amma buradakı daha aydın və qabarıq görünür. Geoloji baxımdan hamısı göz önündədir – çox bərəkətli vulkanik torpaqlardır. Ona görə də tarix boyu burada həm zəngin adamlar, həm dövlət xadimləri, həm də mistik alimlər yetişib. Bu yerlər yaşamaq üçün də çox münasibdir”.

Qeyd edək ki, İlber Ortaylı sentyabrın 20–22-də Naxçıvan Dövlət Universitetinin təşkilatçılığı ilə Naxçıvanda səfərdədir. Səfər çərçivəsində onun Naxçıvan Muxtar Respublikasının bir sıra tarixi yerlərinə gəzintisi, kitab imza günü, eləcə də mətbuat nümayəndələri və geniş ictimaiyyətlə görüşləri keçiriləcək.


Teqlər: Naxçıvan  



Xəbər lenti