Bloomberg: “Apple Vyetanama köçür”

Bloomberg: “Apple Vyetanama köçür”
  15 Oktyabr 2025    Oxunub:961
Amerikanın “Apple” texnologiya şirkəti Çindən asılılığını azaltmaq üçün Vyetnamda istehsalını genişləndirir. Şirkət burada yeni “ağıllı ev” cihazları istehsal etməyi planlaşdırır.
AzVision.az xəbər verir ki, mənbələrə istinad edən “Bloomberg” agentliyi belə məlumat yayıb.

- “Apple” Çindən gələn geosiyasi gərginliklər və potensial tədarükün kəsilməsi ilə bağlı riskləri azaltmağa çalışır. Bununla belə, istehsalın köçürülməsi şirkəti Tramp administrasiyası tərəfindən Vyetnam mallarına tətbiq olunan 20%-lik tariflərdən azad etməyəcək”, - agentlik yazır.

ABŞ və Çin yenidən sanksiyalara əl atıblar
Vyetnam fabriklərində istehsal olunacaq ilk qurğular məişət texnikasının idarəetmə paneli, müşahidə kameraları və stolüstü robot olacaq. Agentliyin mənbələrinin iddiasına görə, montaj işləri artıq “Apple” üçün “iPad” istehsal edən Çinin “BYD” şirkəti tərəfindən həyata keçiriləcək.

Xatırladaq ki, oktyabrın 10-da ABŞ prezidenti Donald Tramp Vaşinqtonun noyabrın 1-dən və ya ondan əvvəl Çin məhsullarına tarifləri 100% artıracağını, həmçinin proqram təminatına ixrac nəzarəti tətbiq edəcəyini açıqlayıb. Bu, ABŞ-nin Çin məhsullarına tətbiq etdiyi ümumi tarifləri 130%-ə çatdıracaq.

Eyni zamanda, Amerika lideri Ağ Evdə argentinalı həmkarı Xavyer Milleylə görüşündə jurnalistlərin suallarını cavablandırarkən Vaşinqtonun Pekinlə münasibətlərdə ehtiyatlı olması zərurətini vurğulayıb.

Sahil İsgəndərov
AzVision.az


Teqlər:   Apple   Vyetnam  



Xəbər lenti


Azvision.az ©2014 | Bütün hüquqları qorunur