“Konstitusiya və Suverenlik İli” çərçivəsində elmi konfrans keçirilib

“Konstitusiya və Suverenlik İli” çərçivəsində elmi konfrans keçirilib
  30 Oktyabr 2025    Oxunub:993
Dövlət Sərhəd Xidmətinin Akademiyasında “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda elmi konfrans keçirilib.
Tədbirdə Akademiyanın rəhbərliyi, millət vəkili, siyasi elmlər doktoru, professor Hikmət Məmmədov, Bakı Dövlət Universitetinin Hüquq fakultəsinin müəllimi, hüquq üzrə fəlsəfə doktoru, dosent Əlövsət Allahverdiyev, professor-müəllim heyəti və kursantlar iştirak ediblər.

Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və vətən uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilib.



Daha sonra Ulu Öndər Heydər Əliyevin və Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyevin Konstitusiya haqqında çıxışları barədə videoçarx təqdim olunub.



Çıxışlarda Konstitusiyanın yaranmasının tarixi və siyasi əhəmiyyətindən danışılmış, Azərbaycan Respublikasının Prezidenti cənab İlham Əliyevin 2025-ci ili “Konstitusiya və Suverenlik İli” elan etməsinin ölkəmizin dövlətçiliyinin möhkəmləndirilməsi, hüquqi düşüncənin inkişafı və milli suverenliyin daha da gücləndirilməsi baxımından mühüm addım olduğu vurğulanıb.

Tədbirin sonunda mövzu ilə əlaqədar fikir mübadiləsi aparılmış, kursantların sualları cavablandırılıb.

AzVision.az



Teqlər:



Xəbər lenti


Azvision.az ©2014 | Bütün hüquqları qorunur