Türkiyə XİN rəhbəri ABŞ-də görüşlər keçirib | FOTO

Türkiyə XİN rəhbəri ABŞ-də görüşlər keçirib |    FOTO
  11 Noyabr 2025    Oxunub:726
Türkiyənin xarici işlər naziri Hakan Fidan ABŞ-nin paytaxtı Vaşinqtona səfəri çərçivəsində vitse-prezident C.D.Vens, Dövlət katibi Marko Rubio, Yaxın Şərq üzrə xüsusi nümayəndə Stiv Vitkof və Türkiyə səfiri Tom Barrakla görüşüb.
Bu barədə o özü Türkiyə mətbuatına müsahibəsində danışıb. Diqqətə çatdırıb ki, Vaşinqtonda ABŞ Prezidenti Donald Tramp və Suriyanın keçid hökumətinin Prezidenti Əhməd Əş-Şərəənin görüşü fonunda əsasən Suriyanın cari vəziyyəti ətrafında müzakirələr aparıb. O, Suriyanın postmüharibə dövründə inkişafına dair Ankaranın mövqeyini qarşı tərəfin diqqətinə çatdırıb.

Hakan Fidan ali hökumət nümayəndələri ilə həmçinin Qəzza zolağında atəşkəs prosesi və Rusiya-Ukrayna müharibəsinin hazırkı vəziyyəti ilə əlaqədar da fikir mübadiləsi aparıb.

Firudin Həmidli
AzVision.az


Teqlər: Türkiyə   nazir   ABŞ   görüş  



Xəbər lenti