Bu barədə Britaniyanın "Reuters" xəbər agentliyi öz mənbələrinə istinadən məlumat yayıb. Bildirilib ki, Rusiya səfirliyi hələ 2023-cü ildə şəhərdəki parlament binasından təqribən 300 metr məsafədə yerləşən torpaq sahəsini yeni bina ucaltmaq məqsədilə icarəyə götürmüşdü. Hərçənd avstraliyalı deputatlar "parlamentə bu dərəcədə yaxın yeni "Rusiya varlığı"nı mümkün təhlükə sayaraq", icarə müqaviləsinə xitam verilməsi üçün qanun çıxarmışdılar. Moskva isə Avstraliya Ali Məhkəməsinə müraciət ünvanlayaraq həmin qanuna öz etirazını bildirmiş, parlamentin belə bir qadağa irəli sürməyə səlahiyyətinin çatmadığını söyləmişdi.
Bu gün məhkəmə məsələ ilə əlaqədar yekun hökm verib. Hökmə əsasən, Moskvanın kompensasiya almaq hüququ var, amma parlamentin müvafiq qanununda hər hansı "qanunsuzluq" yoxdur, ona görə də qüvvədə qalır. Rusiya səfirliyi hökmə hələlik konkret cavab verməyib, sadəcə "qətnamənin mətnini diqqətlə nəzərdən keçirəcəyini" bildirib.
Firudin Həmidli
AzVision.az
Avstraliya Rusiyanın yeni səfirlik tikməsinə icazə verməyib
12 Noyabr 2025
Oxunub:745
Avstraliyanın Ali Məhkəməsi paytaxt Kanberra şəhərində Rusiya səfirliyinin istifadəsi üçün yeni binanın tikilməsi ilə əlaqədar qadağa hökmü çıxarıb, eyni zamanda, milli təhlükəsizlik səbəblərinə əsaslanaraq, icarə müqaviləsinə xitam verən qanunu dəstəkləyib.
Teqlər: Avstraliya Rusiya səfirlik bina qadağa
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
