Tramp Çinə səfərini təsdiqləyib

   Tramp Çinə səfərini təsdiqləyib
  25 Noyabr 2025    Oxunub:1054
ABŞ Prezidenti Donald Tramp çinli həmkarı Si Tsinpinin dəvəti ilə 2026-cı ilin aprel ayında bu ölkəyə səfərə yollanacağını diqqətə çatdırıb.
Bu barədə o özünün "Truth" hesabında məlumat yayıb. Belə ki, Donald Tramp və Si Tsinpin arasında telefon danışığı baş tutub. Tərəflər bir sıra məsələ ilə yanaşı həmçinin Rusiya-Ukrayna müharibəsinin cari vəziyyəti haqqında söhbətləşiblər.

Onlar, eyni zamanda, iki ölkə arasında iqtisadi-ticari əlaqələr haqqında müzakirə aparıblar. Donald Trampın yazdığına əsasən, ABŞ və Çinin qarşılıqlı münasibətləri konstruktiv şəkildə irəliləyir:

"Çinlə münasibətlərimiz son dərəcə güclüdür. Söhbət əsnasında razılığa gəldik ki, müntəzəm əlaqə saxlayaq. Bu çox vacibdir", – yazan ABŞ Prezidenti həmçinin bildirib ki, o da, öz növbəsində, həmkarını Vaşinqtona səfərə çağırıb.

Xatırladaq ki, Donald Tramp və Si Tsinpin ötən günlərdə Cənubi Koreyada görüşmüşdülər.

Firudin Həmidli
AzVision.az


Teqlər: ABŞ   prezident   Çin   danışıq   səfər  



Xəbər lenti