Zəka Mirzəyev: "Orta aylıq pensiya 543 manata yüksəlib"

Zəka Mirzəyev: "Orta aylıq pensiya 543 manata yüksəlib"
  15 Yanvar 2026    Oxunub:1586
Ötən il fevralın 1-dən minimum pensiya 14,3 faiz artırılaraq 280 manatdan 320 manata çatdırılıb.
AzVision.az xəbər verir ki, bunu Dövlət Sosial Müdafiə Fondunun (DSMF) İdarə Heyətinin sədri Zəka Mirzəyev keçirdiyi mətbuat konfransında deyib. Onun sözlərinə görə, keçən ilin əvvəlindən pensiyalar 8,1 faiz indeksləşdirilərək artırılıb və 1,1 milyon pensiyaçını əhatə edən bu artımlar üçün illik əsasda 520 milyon vəsait ayrılıb.

DSMF sədri: "Ötən il aztəminatlı ailələrə 420 milyon sosial yardım ödənilib"
O əlavə edib ki, fərdi şəxsi hesablardakı pensiya kapiyalları 2,2 faiz indeksləşdirilərək artırılıb:

"Azərbaycanda əmək pensiyalarının illik indeksləşdirilməsi (8,1 %) ilə bağlı Dövlət Sosial Müdafiə Fondunun büdcəsindən əlavə 520 milyon manat vəsait ayrılıb. 2025-ci il yanvarın 1-dən minimum aylıq əməkhaqqı 16 % artırılaraq 400 manata çatdırılıb".

Z. Mirzəyev qeyd edib ki, ötən il orta aylıq pensiya 2024-cü illə müqayisədə 9,3 % artaraq 543 manata, yaşa görə pensiya isə 9,1 % artaraq 578 manata çatıb.


AzVision.az


Teqlər:   DSMF   Sosial-yardım  



Xəbər lenti


Azvision.az ©2014 | Bütün hüquqları qorunur