AzVision.az xəbər verir ki, BMT-nin Antiterror İdarəsinin fevralın 11-də açıqlanan hesabatına istinad edən “Associated Press (AP)” agentliyinin məlumatına görə, Suriya prezidenti Əhməd əl-Şaraa və nazirləri son bir il ərzində ən azı beş uğursuz sui-qəsd cəhdindən sağ çıxıblar.
Bu siyahıya daxili işlər naziri Ənəs Həsən Xəttab və xarici işlər naziri Əsəd əl-Şibani daxildir. Prezidentə qarşı sui-qəsd cəhdləri Hələb və Dərada qeydə alınıb.
BMT ekspertlərinin məlumatına əsasən, sui-qəsd cəhdlərinə görə məsuliyyəti “Saraya Ənsar əl-Sünnə” qruplaşması öz üzərinə götürüb. Bununla belə, BMT ekspertləri əmindirlər ki, bu, sadəcə İŞİD üçün “pərdə” rolunu oynayan “çətir” təşkilatıdır.
“Belə proksi-qrupun istifadəsi terrorçulara eyni zamanda əməliyyat imkanlarını artırmaqla özünün “inandırıcı inkarını” qorumağa imkan verir. İŞİD 2024-cü ilin dekabrında Bəşər Əsəd rejiminin devrilməsindən sonra yaranmış “təhlükəsizlik boşluğu və qeyri-müəyyənlik dövründən” maksimum yararlanmağa çalışır”, - BMT-nin analitikləri vurğulayırlar.
Qiyam dalğasında Suriyada hakimiyyətə gələn “Həyat Təhrir əl-Şam” qruplaşmasının keçmiş lideri Əhməd əl-Şaraa hazırda İŞİD-in “bir nömrəli hədəfi” hesab olunur. Suriyanın yeni hökumətinin 2025-ci ilin noyabrında İŞİD-ə qarşı beynəlxalq koalisiyaya rəsmən qoşulmasından sonra vəziyyət gərginləşib.
BMT-nin iddiasına görə, dövlət rəhbərliyini fiziki cəhətdən aradan qaldırmaq cəhdləri radikal qrupların Suriyada sabitləşmə prosesini və yeni siyasi nizamı pozmaq niyyətindən xəbər verir.
Sahil İsgəndərov
AzVision.az
BMT: “Suriya rəhbərliyinə qarşı 5 sui-qəsd cəhdi olub”
12 Fevral 2026
Oxunub:1260
BMT Suriya prezidenti Əhməd əl-Şaraa və onun nazirlərinə qarşı beş uğursuz sui-qəsd cəhdi ilə bağlı hesabat dərc edib.
Teqlər: BMT Suriya sui-qəsdlər
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-10682601696.jpg&h=190&w=280&zc=1&q=100)
-1780404767.jpg&h=190&w=280&zc=1&q=100)
-1780398749.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
