ABŞ və İsrailin İrana qarşı birgə hərbi əməliyyatlarına cavab olaraq Tehran Hörmüz boğazından keçən gəmi trafikini kəskin azaldıb. Bu boğaz dünya üzrə neft və mayeləşdirilmiş təbii qazın (LNG) daşınması üçün həyati əhəmiyyət daşıyan əsas marşrutlardan biridir.
Avropanın əsas qaz ticarət platforması olan “Dutch Title Transfer Facility” (TTF)-də aprel müqaviləsi yerli vaxtla saat 10:41-də (07:41 GMT) meqavat-saat üçün 39,20 avro səviyyəsində ticarət olunub. Müqayisə üçün, zərbələrdən əvvəl, 27 fevralda qiymət 31,95 avro olub.
Bu artım qiymətləri 2025-ci il fevralın 18-dən bəri ən yüksək səviyyəyə çatdırıb. Eyni zamanda, bu yüksəliş 2023-cü ilin avqustundan bəri faiz ifadəsində ən böyük sıçrayışdır.
Hörmüz boğazı Körfəz enerji istehsalçılarını Ərəb dənizi vasitəsilə qlobal bazarlarla birləşdirir və dünya üzrə neft və LNG ticarətinin təxminən 20%-i bu strateji keçiddən keçir. Qətərin LNG ixracının demək olar ki, hamısı buradan həyata keçirilir ki, bu da boğazı beynəlxalq təchizat üçün kritik marşruta çevirir. Boğazdan keçən LNG-nin böyük hissəsi Asiyaya, xüsusilə Çinə yönəlsə də, mümkün uzunmüddətli fasilələr Avropada, LNG idxalından yüksək asılı olan regionlarda qiymətlərin artmasına səbəb olur.
Bundan əlavə, Avropada qaz anbarlarının səviyyəsi 30%-dən aşağı düşüb ki, bu da təchizat riskləri təsdiqlənəcəyi təqdirdə alıcıları əlavə yüklərin təmin edilməsi üçün daha təcili addımlar atmağa vadar edir.
Röya Əliyeva
AzVision.az
Avropada qazın qiyməti 20%-dən çox artıb
02 Mart 2026
Oxunub:1797
Yaxın Şərqdə gərginliyin artması enerji bazarlarını sarsıdaraq təchizatla bağlı narahatlıqları yenidən gündəmə gətirib. Həftənin əvvəlində Avropada təbii qazın qiyməti 20%-dən çox artıb.
Teqlər:
Vaxtında, Aydın, Lazımlı!
