66-cı Kann festivalının açılışına iki gün qalıb. Artıq sonuncu hazırlıqlar da başa çatır. Festivalın keçiriləcəyi sarayın binasında rəsmi afişa asılıb. Fransanın bu məşhur şəhərinə dünya ulduzlarının və onların pərəstişkarlarının axını gözlənilir. Pərəstişkarlar, kinofestival müddətində Alen Delon, Leonardo di Kaprio kimi məşhur aktyorları da görməyə ümid edirlər. Festival Leonardo di Kaprionun baş rolunu oyanadığı «Böyük Qetsbi» filmi ilə açılacaq. Müsabiqəyə 20 film təqdim olunub. Bu il münsiflər heyətinə tanınmış rejissor Stiven Spilberq rəhbərlik edəcək. Kann kinofestivalı mayın 26-da başa çatacaq.