Oğlu həbs edilən icra başçısı şikayət verə bilər
Hökmlə əlaqədar olaraq həbs edilən şəxslərin vəkilləri ilə əlaqə saxladıq.
İ. Ələsgərlinin vəkili Bəylər Məmişov hökmlə bağlı müvəkkilinin ailəsi ilə danışıqlar aparacağını bildirib: “Hökmdən Apellyasiya Məhkəməsinə şikayət göndərilməsi ilə bağlı məsələ hələ açıq olaraq qalır. Bununla bağlı müvəkkilimin ailəsi ilə danışmalıyam. Onların razılığı olarsa, hökmdən Bakı Apellyasiya Məhkəməsinə şikayət ərizəsi göndərəcəyəm”.
Yük maşının sürücüsü S. Əhlimanovun vəkili İlham Musayev isə AzVision.az-a açıqlamasında hakimlərin çıxardıqları hökmdən apellyasiya şikayəti verəcəyini bildirib: “Hökm ədalətsiz olaraq verilib. Biz hökmü alan kimi Apellyasiya Məhkəməsinə şikayət ərizəsi göndərəcəyik”.
Keçən prosesdə dövlət ittihamçısı İlham Əsgərlinin 6 il 6 ay, Süleyman Əhlimanovun isə 6 il müddətinə azadlıqdan məhrum edilməsini istəmişdi.
Qeyd edək ki, hadisə 2014-cü il sentyabrın 27-də baş verib. 26 yaşlı İlham Əsgərlinin idarə etdiyi 90 AR 819 dövlət nömrə nişanlı “Mercedes” markalı avtomobil 23 yaşlı Əhliman Qəhrəmanovun idarə etdiyi "Howo" markalı yük maşını ilə toqquşub. Qəza nəticəsində yük avtomobilində olan 16 yaşlı Sənan Mirzəyev dünyasını dəyişib. O, Ə. Qəhrəmanovun idarə etdiyi yük maşınında olub və sürücü onu Paintball oyunundan evə qaytarırmış. Hadisə nəticəsində hər iki sürücü yaralanıb.
Onu da qeyd edək ki, qəzada dünyasını dəyişən S.Mirzəyev “MCDonalds”ın Bakı nümayəndəliyinin rəhbəri Maqsud Mirzəyevin oğlu olub.
Hafiz Əhmədov
Teqlər: