Bunu AzVision.az-a açıqlamasında Dənizkənarı Bulvar İdarəsinin rəis müavini Nazim Məcidov deyib. Onun sözlərinə görə, İlk Avropa Oyunları ilə əlaqədar “Kristal Holl”da müxtəlif idman növləri üzrə yarışların keçirilməsi nəzərə alınaraq, burada hazırlıq işləri görülüb.
“Saray artıq Avropa Oyunlarının keçirilməsi üçün tam hazır vəziyyətə gətirilib. Həmçinin Bulvar ərazisində yerləşən Bakı İdman Sarayı da oyunlara tam hazırdır”.
Dənizkənarı Bulvar İdarəsinin rəis müavini bildirib ki, bulvarda Wi- Fi internet şəbəkəsinin genişləndirilməsi üçün də işlər aparılır.
“Bulvarın əksər yerində çoxdan Wi-Fi var. Rabitə və Yüksək Texnologiyalar Nazirliyi ilə birgə iş aparırıq. Çalışırıq ki, bulvarın hər yerini pulsuz Wi-Fi şəbəkəsini təmin edək. Bu istiqamətdə işlər aparılır və I Avropa Oyunlarının keçirilməsinə 1 ay vaxt qalmasını nəzərə alsaq, bu işləri yekunlaşdıracıyıq.
İnsanların daha çox toplaşdığı, yarışlar keçiriləcək idman saraylarının ətrafında, restoranların, kafelərin yanında, böyük monitorlar olan ərazidə pulsuz Wi-Fi şəbəkəsi tam təmin olunacaq”.
Anar Kəlbiyev
Bulvar hazırdır: “Hər yerdə pulsuz Wi- Fi olacaq”
13 May 2015
Oxunub:2781
“Bakıda keçiriləcək I Avropa Oyunları ilə əlaqədar Dənizkənarı Bulvar ərazisi artıq gücləndirilmiş iş rejiminə keçib”.
Teqlər:
Vaxtında, Aydın, Lazımlı!
