Sabah bu rayonlar qazsız qalacaq

  09 İyun 2015    Oxunub : 1373
Sabah bu rayonlar qazsız qalacaq
Sabah bəzi rayonların qaz təchizatında məhdudiyyətlər olacaq.
AzVision.az SOCAR-ın saytına istinadən məlumat verir ki, iyunun 10-da saat 10:00-dan 18:00-dək “Qaz İxrac” İdarəsinin Hacıqabul Magistral qaz kəmərləri sahəsinin “İsmayıllı”, “Talıstan, “İvanovka” və “Kürdmaşı”, Ağdaş Magistral qaz kəmərləri sahəsinin “Ağdaş”, Ağdam Magistral qaz kəmərləri sahəsinin “Kətəlparaq” və “Azadqaraqoyunlu”, Siyəzən Magistral qaz kəmərləri sahəsinin “Xızı” Qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Təmir müddətində Bərdə rayonunun Uğurlu, Şirvanlı, Hüseynbəyli, Muğanlı, Kələntərli, Qasımbəyli, Körpüqıran və Darğalar, Tərtər rayonunun Qaynaq, Qazyan və Qapcılı, Ağdaş rayonunun Qarabağlı, Lək, Pirəli, Gücü, Nehrəxəlil, Güvə, Qolqətir, Zeynəddin, Məşədi və Gürcuva kəndlərinin qaz təchizatında məhdudiyyətlər olacaq.

Aparılan işlərin Ağdam, Ağdaş, İsmayıllıXızı rayon mərkəzlərinin bəzi hissələrinin qaz təchizatına təsir göstərməsi də mümkündür.

Teqlər: