Məşhur serial qayıdır

Məşhur serial qayıdır
  11 İyun 2013    Oxunub:1297
2001-ci ildə ekranlara çıxan və böyük şöhrət qazanan “24” serialı çoxlarının yadındadır. Yüksək reytinqə və geniş auditoriyaya malik serial 3 il əvvəl, 7-ci sezondan sonra bağlanmışdı.
İndi FOX TV-nin prodüserləri onu yenidən qaytarmağı düşünürlər. Yeni layihə “24: daha bir gün yaşa” ("24: Live Another Day") adlanır və 2014-cü ilin mayında efirə çıxacaq. Beləliklə, agent Bauerin fanatları onunla görüşə biləcəklər.

13 seriyadan ibarət olacaq yeni serialın büdcəsinin xeyli yüksək olduğu bildirilir.

Əslində serialın bir qədər tez hazır olması da mümkün idi, amma Cek Bauer rolunun ifaçısı Kifer Sazerlend Fox TV-nin digər layihəsi olan “Təmas” adlı serialda çəkildiyindən, layihə yubanıb. İndi `Fox` TV `Təmas`ı bağlamaq və `24`-ü yenidən qaytarmaq qərarına gəlib.

Qeyd edək ki, “24”-ün əsas ssenari ideyası siyasətlə kəşfiyyat xəttlərinin kəsişməsi üzərində qurulub və serial kəskin süjetli triller janrındadır.

AzVision.az


Teqlər:  





Xəbər lenti