AzVision.az xəbər verir ki, 46 saylı Şirvan seçki dairəsindən Azərbaycan Respublikasının Milli Məclisinə deputatlığa namizəd Rafael Cəbrayılov növbəti görüşünü M.Ə.Rəsulzadə küçəsinin sakinləri ilə keçirib. Havanın yağışlı olmasına baxmayaraq, sakinlər görüşə böyük həvəslə gəliblər. İlk öncə namizəd böyüyüb boya-başa çatdığı Şirvan sakinləri ilə görüşməyindən məmnunluğunu bildirib. Daha sonra bütün seçicilərin öz seçici hüququndan istifadə edərək , 01 noyabr tarixində seçkidə iştirak etməyə və layiqli namizədə səs verməyə dəvət etdi.

Əsasən Sovet dövründən tikilən binaların dam örtüyünün yararsızlığı və binanın əsaslı təmiri ilə əlaqədar müraciətlər olundu. Namizəd seçiciləri maraqlandıran məsələ ilə əlaqədar bildirib ki, bu məsələ diqqət mərkəzindədir və öz platformasında bu barədə fikirlər öz əksini tapıb. Mənə etimad göstərdiyiniz halda, mən deputatat səlahiyyətləri çərçivəsində həmin məsələlərin həllində köməklik göstərəcəyəm.

Səmimiyyət və diskusiya şəraitində keçən görüşün sonunda bütün sakinlər Rafael Cəbrayılova seçki kompaniyasında uğurlar arzuladılar və 01 noyabr tarixində dəstək olacaqlarını bildirdilər.

Həmçinin bu gün bir qrup Şirvan gəncləri könüllü olaraq təbliğat-təşviqat kompaniyada iştirak etmək məqsədilə namizədin seçki qərərgahına müraciət ediblər. Rafael Cəbrayılov həmin gənclərlə görüşüb və görüş zamanı Şirvan şəhər gəncləri ilə görüş vaxtı müəyyənləşdirilib.

AzVision.az

Qalereya