Gəncədə Aşura günü - Foto

Gəncədə Aşura günü - Foto
  24 Oktyabr 2015    Oxunub:3490
Müsəlman ümmətinin tarixinə kədərli,eyni zamanda insanlara qürur bəxş edən bir məqam kimi daxil olmuş Kərbəla faciəsinin nəsillərin yaddaşında yaşaması,İmam Hüseyn əleyhissəlamın həyat və mübarizəsinin yad edilməsi olduqca böyük əhəmiyyət kəsb edir.
Məhərrəmlik dini ayin deyil, mərasimdir və bu mərasimin insanların İmam Hüseynə olan hörmət və sevgisindən qaynaqlanır. Gəncədə şəhər İcra Hakimiyyəti tərəfindən Aşura gününün mütəşəkkil və yüksək səviyyədə keçirilməsi üçün əvvəlcədən hazırlıq işləri aparılaraq inançlı insanlara lazımi imkanlar və şərait yaradılıb.

Bu gün səhər saatlarından başlayaraq ictimai nəqliyyat vasitələri gücləndirilmiş iş rejimində fəaliyyət göstərir. Şəhərin müxtəlif yaşayış massivlərindən ziyarətçilərin “İmamzadə” dini kompleksinə aparılması üçün pulsuz nəqliyyat vasitələri də təşkil edilib. Eyni zamanda, vətəndaşlara xidmət və təhlükəsizliyi təmin etmək üçün məscidlərin ətrafına və “İmamzadə” dini kompleksinə təcili tibbi yardım briqadası, Dövlət Yanğından Mühafizə İdarəsinin yanğınsöndürən avtomobilləri cəlb edilib. Ziyarətgahda işıqlandırma sisteminin əhatə dairəsi daha da genişləndirilib



İçməli su daşıyan maşınlar da ziyarətçilərin ixtiyarına verilib. Xeyriyyəçi insanlar ziyarətgahda çadırlar qurublar. İmamzadəyə gedən yollarda tıxacların yaranmaması üçün şəxsi avtomobil vasitələrinin hərəkəti məhdudlaşdırılıb. DYP əməkdaşları tərəfindən yollarda sürücülər bu haqda məlumatlandırılıb.

Gəncəlilər Aşura günündə keçirilən qanvermə aksiyalarında böyük həvəslə iştirak edirlər. Xəstəxanalarda gözü yolda olan, qan gözləyən, ehtiyacı olanlara kömək etmək mərhəmətdən irəli gəlir və bu Allaha imanın, ibadətin ifadəsidir.


Teqlər:





Xəbər lenti