“Ukrayna Azərbaycanlıları Birləşmiş Disporu” (UABD) Ümumukrayna İctimai Təşkilatının (ÜİT) mətbuat xidmətindən AzVision.az-a verilən məlumatda deyilir ki, bir neçə şəxsin Ukraynada yaşayan yüz minlərlə azərbaycanlının adından çıxış etməsi təşkilatlanaraq Azərbaycan dövlətçiliyi uğrunda gecə-gündüz durmadan çalışan azərbaycanlılara qarşı böyük haqsızlıqdır.

Ukrayna Ədliyyə Nazirliyində qeydiyyatdan keçmiş on iki müstəqil ictimai təşkilatı birləşdirən UABD-nin sədri Hikmət Cavadovun sözlərinə görə, bu addan çıxış etmək hüququ seçki öncəsi şəxsi maraqlarına görə özlərini reklam edərək gündəmə gəlmək üçün bir sıra mətbuat xidmətlərində məlumat yayıb, mənasız səs-küy salmaq məqsədi güdən insanların deyil, vətəni, dövləti, xalqının rifahı üçün illərlə iş aparan, Azərbaycan dövlətçiliyi naminə çalışan və Ukraynada leqal fəaliyyət göstərən təşkilat rəhbərlərinindir: “Bundan başqa, Ukraynada Azərbaycan diasporunun dünyada mövcud olan ən elitar diasporlardan olduğunu sübut edən, heyətində 40-dan çox alimi bir araya gətirən alimlər şurası kimi qurumu olduğu halda, diaspor adından kimlərinsə çıxış etməsi çox gülünc haldır ”.