İsmət Qayıbov adına stadion sökülür

İsmət Qayıbov adına stadion sökülür
  08 Dekabr 2015    Oxunub:4521
İsmət Qayıbov adına Bakıxanov qəsəbə stadionunda söküntü işlərinə başlanılıb.
Söküntü işi “Neftçi” klubunun istəyi ilə həyata keçirilir. Belə ki, orda baza tikməyi qərarlaşdıran “ağ-qaralar” bu yöndə fəaliyyətə başlayıblar.

Klubun mətbuat xidmətinin rəhbəri Mehman Rəsulov əməkdaşımızla söhbətində bildirib ki, söküntü işi tam bitdikdən sonra rəhbərlik əraziyə baxış keçirəcək: “Bəli, İsmət Qayıbov adına stadionda hazırda iş gedir. Söküntü işi klubumuzun istəyi ilə başlanılıb.

Biz əvvəldən də demişdik ki, orda baza tikiləcək. Söküntü işi də məhz bununla əlaqədardı. Bu proses başa çatdıqdan sonra əraziyə baxılacaq. Ondan sonra isə layihəyə əsasən, bazanın tikintisinə başlanılacaq. Tikinti işlərinin konkret nə vaxt başlanılacağı ilə bağlı hələlik heç nə deyə bilmərəm”.

Qeyd edək ki, İsmət Qayıbov adına Bakıxanov qəsəbə stadionu “Neftçi”yə məxsusdu. (Apa)


Teqlər:





Xəbər lenti