`Taleh Bağırzadə kimilər dövləti yıxmaq istəyirdi` - Şeyx

  12 Dekabr 2015    Oxunub : 2293
`Taleh Bağırzadə kimilər dövləti yıxmaq istəyirdi` - Şeyx
Azərbaycanın inkişafını istəməyən qüvvələr din amilindən istifadə edib ölkədə çaxnaşma yaratmağa çalışırlar.
Bunu Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə Heydər məscidində Heydər Əliyevin vəfatının ildönümü ilə əlaqədar keçirilən anım mərasimində deyib. Taleh Bağırzadə kimi adamlar yığışıb Azərbaycan dövlətini yıxmaq istəyirlər: `Axı onlar bu dövlət, bu xalq üçün nə ediblər ki, belə bir iddiaya düşüblər?! Çox təəssüf ki, onlar islamdan istifadə edirlər. Mənim Nardaranda çoxlu dostlarım var. Onlar çox qonaqpərvər insanlardır. Və mən çox təəssüf edirəm ki, Taleh kimi adamlar Nardarandakı insanların qonaqpərvərliyindən başqa məqsədlər üçün istifadə edir`.

Şeyx bildirib ki, bu gün Azərbaycanın inkişafını istəməyən qüvvələr bizim daxilimizdə din amilindən istifadə edib çaxnaşma salmaq istəyirlər: `İslam qardaşlıq dinidir. Mən çoxlu dövlətlərdə olmuşam. Biz şükür etməliyik ki, ölkəmizdə firavanlıq hökm sürür, bu firavanlığı qoruyub saxlamalıyıq. Bəzi qanunlar qəbul edilirsə, qanunlara əlavə və dəyişiklik edilirsə, deməli belə məsləhətdir. Hər dövlət öz təhlükəsizliyini qorumalıdır`.

AzVision.az

Teqlər: