Bakıda yeni “parking” ödəniş metodu

Bakıda yeni “parking” ödəniş metodu
  28 Dekabr 2015    Oxunub:4061
Bakıda avtomobil sahibləri yaxın vaxtlarda təmassız stikerlərin vasitəsilə parklanmaya görə ödəniş edə biləcəklər.
AzVision.az xəbər verir ki, bu barədə "Trend"ə layihəyə yaxın mənbə məlmat verib.

Onun sözlərinə görə, “Azərpoçt”un poçt şəbələrində və banklarda (“Unibank” “Express Bank”, “AtaBank və s.) xüsusi stikerləri almaq mümkün olacaq. Bir stikerin qiyməti 0,50 manatdan artıq təşkil etməyəcək.

İstənilən rahat qurğunun köməyi ilə stikerin balansını doldurmaq mümkün olacaq. Bunlar “Bakı Kart” balans doldurma üçün aparatlar, nağd vəsaitlərin qəbulu üçün ödəniş terminalları (“MilliÖN, “eManat”, “ExpressPay” və s.) ola bilər.

Mənbə qeyd edib ki, parkomatların interfeysi təmassız ödənişləri dəstəkləyir: “Parklanmaya görə yeni ödəniş vasitəsi parkomatların mövcud funksionalından istifadə etməyə imkan verəcək”.

AzVision.az


Teqlər:





Xəbər lenti