“Günəşli” yatağında baş verən hadisə zamanı itkin düşən neftçilərin axtarışları davam etdirilir. Bu gün Dövlət Sərhəd Xidmətinin (DSX) 3 gəmisi axtarışlar aparır.
Bu barədə AzVision.az-a “Azneft” İstehsalat Birliyindən (İB) məlumat verilib.
Bildirilib ki, axtarışlar bir nəticə verməyib.
Qeyd olunub ki, hazırda “Günəşli” yatağında yanğın davam edir və BP-yə məxsus 2 gəmi yanğının söndürülməsi ilə məşğuldur. Fövqəladə Hallar Nazirliyinin (FHN) 1 gəmisi həmin ərazidə monitorinq aparır.
Həmçinin Fövqəladə Hallar Nazirliyinin (FHN) Dövlət Sularda Xilasetmə Xidmətinin canlı qüvvəsi Pirallahı ərazisində sahilboyu axtarışlar aparır.
Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağında faciə baş verib. Hadisə zamanı 33 nəfər xilas edilib, 10 nəfərin cəsədi tapılıb.
Hazırda itkin düşən neftçilərin axtarışı davam etdirilir.
Anar Kəlbiyev
İtən neftçilərlə bağlı yeni məlumat
07 Yanvar 2016
Oxunub:3395
Vaxtında, Aydın, Lazımlı!
-1714120742.jpg&h=190&w=280&zc=1&q=100)
-1714120628.jpg&h=190&w=280&zc=1&q=100)
-1708596417.jpg&h=200&w=200&zc=2&q=70)
