Elmar Məmmədyarov: `Status-kvo qəbuledilməzdir`

Elmar Məmmədyarov: `Status-kvo qəbuledilməzdir`
  13 İyul 2013    Oxunub:978
Rəsmi Bakı Vyanada Dağlıq Qarabağ münaqişəsinin həllində mövcud status-kvonun qəbuledilməz olduğunu bəyan edib
Azərbaycanın xarici işlər naziri Elmar Məmmədyarov Vyanada ATƏT-in Minsk qrupunun həmsədrləri ilə görüşündə, eyni zamanda, Ermənistanın xarici işlər naziri Edvard Nalbandyanın da iştirak etdiyi çoxtərəfli görüşdə Dağlıq Qarabağ münaqişəsinin həllində mövcud status-kvonun qəbuledilməz olduğunu bəyan edib.

AzVison.az xəbər verir ki, bu barədə trend-ə Azərbaycan Xarici İşlər Nazirliyinin mətbuat katibi Elman Abdullayev deyib.

Abdullayevin sözlərinə görə, hər iki görüşdə Dağlıq Qarabağ probleminin həlli məsələləri müzakirə edilib. Görüşdə Azərbaycan tərəfi bir daha bəyan edib ki, münaqişənin həllində irəliləyişə nail olmaq üçün ilk növbədə Ermənistan Silahlı Qüvvələri Azərbaycanın işğal olunmuş ərazilərini tərk etməlidir:

"Görüşdə həmçinin qeyd olunub ki, münaqişənin həll olunmamış qalması regionda sülhün bərqərar olmasına təhdiddir. Ona görə də, beynəlxalq ictimaiyyət münaqişənin həlli üçün Ermənistana təzyiqlərini artırmalıdır".




Teqlər:  





Xəbər lenti