Sabah yağış yağacaq

  28 İyul 2013    Oxunub : 603
Sabah yağış yağacaq
Havanın temperaturu gecə 19-23°, gündüz 25-30° isti olacaq.
İyulun 29-da Bakıda və Abşeron yarımadasında gecə və səhər yarımadanın bəzi yerlərində qısamüddətli yağış yağacağı bildirilir. Gün ərzində isə əsasən yağmursuz keçəcəyi gözlənilir.

AzVision.az-ın Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan aldığı məlumata görə, havanın temperaturunun gecə 19-23°, gündüz 25-30° isti olacağı gözlənilir.

Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zağulba, Buzovna, Mərdəkan, Şüvəlanda 24-25°, Türkan, Hövsan, Şıx, Sahildə isə 25-26° isti olacaq.

Azərbaycanın rayonlarında havanın temperaturunun gecə 17-22°, gündüz 25-30° isti olacağı gözlənilir. Şimşək çaxacaq, arabir yağış yağacaq.

Dağlarda gecə 11-16°, gündüz 20-25° isti olacaq.

AzVision.az

Teqlər: