Eynulla Fətullayev isə bu məsələni qurtarmaq üçün Almaniyaya gedir. “Biz Eynulla Fətullayevi bizə və bu ölkənin hüquq-mühafizə orqanlarına hesabat verməsi üçün Almaniyada gözləyirik” - Milli yazıb. Bu statusa əsaslanaraq aydın olur ki, müxalifət bloggeri bu məsələyə Almaniya hüquq-mühafizə orqanlarını da qarışdırıb.

Xatırladaq ki, bir neçə gün qabaq blogger Emin Milli jurnalist Eynulla Fətullayevin ünvanına ittihamlar yağdırıb və onu təhqir edib. Bunun ardınca o, internetdə haqqin.az saytına qarşı çıxış edərək oxucularını bu sayta girməməyə çağırıb. Eynulla Fətullayev isə öz növbəsində, səsləndirdiyi bütün təhqirləri izah etmək üçün vətənə qayıtmayan qorxaq təbiətli Emin Millini Almaniyanın istənilən şəhərində görüşə dəvət edib. Emin Milli isə anlaşılmazlığı aydınlaşdırmaq üçün görüşmək əvəzinə Almaniya hüquq-mühafizə orqanlarını bu məsələyə qarışdırıb. Bu isə artıq Azərbaycan dissident hərəkatının aşağı səviyyədə olduğunu göstərir.

haqqin.az
AzVision.az