AzVision.az xəbər verir ki, Marsel şəhərində keçirilən matçda Portuqaliya və Polşa yığma komandaları qarşılaşıblar.
Görüşün 2-ci dəqiqəsində Polşa yığmasının kapitanı Robert Levandovski fərqlənərək komandasını hesabda irəli çıxarıb. Lakin polyaklar bu üstünlüklərini qoruya bilməyiblər. Oyunun 33-cü dəqiqəsində Renato Sançes Portuqaliyanın bərabərlik qolunun müəllifi olub. Matçda bundan başqa qol olmayıb və qarşılaşma 1:1 hesabı ilə başa çatıb.
Matç heç-heçə başa çatdığından əlavə vaxt oynanılıb. Lakin əlavə vaxtda da hesab açılmadığı üçün 11 metrlik cərimə zərbələri seriyası yerinə yetirilib. Penaltilər seriyasında 6:4 hesabı ilə qalib gələn Portuqaliya yığması yarımfinala vəsiqə qazanan ilk komanda olub.
Qeyd edək ki, Portuqaliya milli komandasının “Avro-2016”da keçirdiyi bütün oyunların əsas vaxtı heç-heçə başa çatıb.
AzVision.az
“Avro-2016”: Portuqaliya yarımfinalda - VİDEO
01 İyul 2016
Oxunub:2361
İyunun 30-da futbol üzrə XV Avropa çempionatının dörddəbir final mərhələsinin ilk oyunu keçirilib.
Vaxtında, Aydın, Lazımlı!
-1708596417.jpg&h=200&w=200&zc=2&q=70)
