İtaliyanın “İnter” klubu baş məşqçi Roberto Mançini ilə yollarının ayırıb.
AzVision.az-ın klubun rəsmi saytına istinadən verdiyi xəbərə görə, müqaviləyə xitam tərəflər arasında qarşılıqlı anlaşmaya əsasən verilib.
İtaliya mətbuatının iddiasına görə, Mançini “İnter”dən 2-2,5 milyon avro arası təzminat da alacaq.
Yerli KİV-in digər bir xəbərinə görə, artıq “İnter” yeni baş məşqçi ilə müqavilə bağlayıb. Komandaya məşhur hollandiyalı Frank de Bur rəhbərlik edəcək. Müqavilə müddətinin 3 il olacağı bildirilir.
Qeyd edək ki, 2004-2008-ci illərdə “İnter”i çalışdıran Mançini bu zaman ərzində 3 A Seriyası çempionluğu, 2 İtaliya Kuboku, 2 İtaliya Super Kuboku qazanmağı bacarmışdı. 2014-cü ildən başlayan ikinci dönəmində isə Mançini fiaskoya uğrayaraq, heç bir uğur əldə edə bilməyib.
Kənan Məmmədov
AzVision.az
“İnter”də ikinci Mançini dönəmi başa çatdı
08 Avqust 2016
Oxunub:1808
Teqlər:
Vaxtında, Aydın, Lazımlı!
-1732726561.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
