Yük maşınında partlayış olub

Yük maşınında partlayış olub
  05 Avqust 2013    Oxunub:1114
Türkiyədən Azərbaycana plastik məhsul hazırlanması üçün xammal daşıyan maşında partlayış olub.
AzVision.az xəbər verir ki, bu barədə Türkiyənin “Cihan” Xəbər Agentliyi məlumat yayıb. Məlumatda bildirilir ki, yük maşını İstanbulda beynəlxalq magistralda hərəkət edərkən nasazlıq yaranıb. Maşın yanmağa başlayıb. Hadisə yerinə gələn yanğınsöndürənlər yanğını söndürməyə cəhd edərkən, yük maşınında partlayış baş verib.

Maşının sürücüsü, Türkiyə vətəndaşı Siyami Kürek yolda gedərkən maşının qəfildən dayandığını deyib: “Mən yanacaqla bağlı problem olduğunu düşündüm, benzin bakını açıb-bağlayanda TIR-ın sağ tərəfindən tüstü qalxdığını gördüm”.

Sürücü maşınla Azərbaycana plastik məhsul istehsalı üçün xammal daşıdığını bildirib.

Qeyd edək ki, hadisə ilə bağlı mərkəzi magistralda nəqliyyatın hərəkəti bir müddət dayandırılıb.

AzVision.az


Teqlər:





Xəbər lenti