Rusiya İdlibə zərbələri davam etdirir
Hava hücumu nəticəsində terrorçulara məxsus silah anbarlarında saxlanılan pilotsuz uçuş aparatları (PUA) və partlayıcı qurğular, o cümlədən, portativ zenit-raket kompleksləri məhv edilib. Konaşenkov vurğulayıb ki, bu PUA-lar Rusiyanın Suriyadakı Hmeymim aviabazasına, həmçinin Hələb və Həma əyalətlərindəki yaşayış məntəqələrinə hücumlar həyata keçirmək üçün istifadə olunub.
O da qeyd olunub ki, Rusiyanın hərbi kosmik qüvvələri mülki əhalinin ölümünə yol verməmək üçün yalnız terrorçuların əvvəlcədən təsdiqlənmiş, yaşayış məntəqələrindən uzaq dəqiq obyektlərinə zərbələr endiriblər.
Leyla Elbrusqızı
AzVision.az