"Ekipaj vertolyotları ilə dərhal ölkənin cənub və cənub-qərbində tüğyan edən meşə yanğınlarına qarşı mübarizə əməliyyatlarına qoşulub. Türkiyəyə gələn dörd vertolyotdan ibarət xüsusi heyət, istənilən hava şəraitində, gecə və gündüz çalışa bilir, axtarış tədbirləri, yanğınların söndürülməsi üçün tapşırıqları uğurla yerinə yetirirlər ",- Ukraynanın Türkiyədəki səfirliyindən verilən məlumatda bildirilib.
NASA Türkiyədəki yanğınlarla bağlı görüntülər yaydı- FOTO |
Türkiyədə fəaliyyət göstərəcək Mi-8-lərdən biri yanğınsöndürmə əməliyyatları ilə yanaşı, ağır yanıqlar, müxtəlif xəsarətlər alan yaralılara yüksək səviyyədə yardım göstərmək üçün geniş imkanlara malikdir. Helikopter aerotibbi tədbirlər, reanimasiya evakuasiyaları həyata keçirə bilir. Hazırda bütün helikopterlər yanğınsöndürmə əməliyyatlarına cəlb olunublar.
Xatırladaq ki, iyulun 30 -dan etibarən Ukrayna Dövlət Fövqəladə Hallar Xidmətinin iki yanğınsöndürən təyyarəsi də Türkiyədədir.
Qeyd edək ki, iyulun 28-də Türkiyənin Antalya vilayətinin Manavqat bölgəsində irimiqyaslı meşə yanğınları başladı. Yanğın yüzlərlə hektar meşəni məhv edərək bir sıra yaşayış məntəqələrinin boşaldılmasına səbəb oldu. Ümumilikdə isə Türkiyənin cənub və cənub-qərb zonalarında genişmiqyaslı yanğınlar baş verir.
Tural Tağıyev
Azvision.az