Ümumilikdə vida tədbirində 200-ə yaxın adam, o cümlədən Merkelin 16 il rəhbərlik etdiyi hökumətlərdə nazir vəzifəsində çalışmış 52 nəfər iştirak edib.
Merkel koronavirus pandemiyası ilə mübarizə aparan həkimlərə təşəkkür edib: "Pandemiya ilə bütün gücü ilə mübarizə aparan hər kəsə təşəkkür etmək istərdim".
Mərasimdə Angela Merkelin istəyi ilə musiqilər səsləndirilib.
Xatırladaq ki, Merkel 2005-ci ildən kansler postunu tuturdu. O, 36 yaşında ikən keçmiş kansler Helmut Kolun formalaşdırdığı Nazirlər Kabinetinin ən gənc naziri olub. 1991-cı ildə qəfil baş verən bu təyinat zamanı Qadınların və gənclərin məsələləri üzrə nazir təyin edilib. "Forbes" jurnalına görə, Merkel 7 il ardıcıl dünyanın 100 ən nüfuzlu xanımları siyahısına başçılıq edib. O, fizikdir və dəqiq elmlər üzrə ixtisaslaşan ilk hökumət başçısı hesab olunur.
Pərvanə Sultanova
AzVision.az
Vaxtında, Aydın, Lazımlı!
