|
| Ermənistanın bəzi kəndlərində seçki boykot edilib |
Hakim partiya ölkənin üçüncü böyük şəhəri sayılan Vanadzorda keçirilən seçkilərdə uduzsa da, digər 20-dən çox kiçik yaşayış məntəqəsində qalib gəlib. Səsvermənin ilkin nəticələrinə görə, seçicilər Vanadzorun hazırkı meri Mamikon Aslanyanın alyansına 38,7%-dən çox, “Vətəndaş müqavilə” partiyasına isə 25,06% səs verib.
Qeyd edilir ki, Aparanda rekord sayda seçici fəallığı qeydə alınıb - 64,7%. Bütün bülletenlər işləndikdən sonra müxalif blok "Karen Yeqiazaryan"a 66,69%, Paşinyanın partiyası isə 33,31% səs toplayıb.
Bundan əlavə, Qeqarkunik rayonunun iki kəndi - Uovaqyux və Semenovka seçkiləri boykot edib və bir nəfər də olsun seçici səsverməyə gəlməyib. Qeyd edək ki, seçkilərdə 130 partiya və siyasi tşkilat nümayəndəsindən 4,2 minə yaxın namizəd iştirak edib.
Tural Tağıyev
AzVision.az
Vaxtında, Aydın, Lazımlı!
