Belarus könüllüləri öz ordularına çağırış etdilər - VİDEO

Belarus könüllüləri öz ordularına çağırış etdilər - VİDEO
  01 Mart 2022    Oxunub:2109
Belaruslu könüllülər öz ölkələrinin ordusunu Rusiya ilə bərabər Ukraynaya qarşı döyüşməkdən imtina etməyə çağırıb. xəbər verir ki, bununla bağlı onlar videomüraciət yayıblar.
Könüllülər müraciətlərində qeyd ediblər ki, özünü prezident elan edən Aleksandr Lukaşenko 2020-ci ildə Belarusda hakimiyyəti ələ keçirib. Bütün ölkə faktiki olaraq girov götürülüb. İndi isə Rusiya Prezidenti Vladimir Putin və Lukaşenko Ukraynaya hücum ediblər.

Belarus Rusiya-Ukrayna müharibəsinə qoşuldu - VİDEO
- Onlar sizi Putinin apardığı müharibəyə göndərməyə çalışırlar. Bu, Ukraynanın "denaçifikasiyası" və "demilitarizasiyası" üçün xüsusi əməliyyat deyil. Ukrayna öz azadlığı üçün mübarizə aparır. Bu, ukraynalılar üçün Böyük Vətən müharibəsidir. 2020-ci ildə mənəvi seçim etmək sizin üçün çətin idi. Bu gün belə mənəvi seçim etmək üçün hələ də gec deyil, - deyə könüllülərdən biri deyib.

O, Belarus hərbçilərini Ukrayna tərəfinə keçməyə çağırıb.

- Uşaqlar, evdə qalın və sizin üçün hər şey yaxşı olacaq. Son çarə olaraq Ukraynaya qovsalar mümkün qədər tez təslim olun. Ukrayna hakimiyyəti sizinlə müharibə əsiri kimi davranmayacaq. Sizin Ukraynada və ya seçdiyiniz istənilən Avropa ölkəsində siyasi sığınacaq almaq imkanınız olacaq. Uşaqlar, biz haqlıyıq. Siz də seçiminizi edin. Yaşasın Belarus! – digər könüllü deyib.



Qeyd edək ki, bu gün Belarus qoşunlarının Ukrayna ərazisinə daxil olmasını əks etdirən videogörüntülər yayılmışdı.

Tural Tağıyev
AzVision.az



Teqlər:   Belarus   Ukrayna   Rusiya  



Xəbər lenti


Azvision.az ©2014 | Bütün hüquqları qorunur