İrəvan mitinqdə polisə qapaz vuran müxalifətçini axtarır -VİDEO

   İrəvan mitinqdə polisə qapaz vuran müxalifətçini axtarır    -VİDEO
  03 May 2022    Oxunub:1027
Bu gün Ermənistanda keçirilən etiraz aksiyası zamanı müxalifətçilərdən biri polisi vurub. AzVision.az xəbər verir ki, yerli media bunu iki həftədir davam edən mitinqlərdə ilk arzuolunmaz hal kimi qiymətləndirib.
Bəzi ziyalılar və siyasətçilər isə həmin etirazçının cəzalandırılmasının tələb edib. Tanınmış aktyor Ovanes Azoyan deyib ki, “Polisə əl qaldıran şəxs tapılaraq həbs edilməlidir". O həmçinin cəmiyyətə xəbərdar xarakterli sual ünvanlayıb ki, "insanlar ölkənin yavaş-yavaş hara sürükləndiyini anlayırlarmı?".


Qeyd edək ki, iki həftədir müxalifət İrəvanda fasiləsiz mitinqlər keçirir. Etiraz aksiyalarına bəzi tələbə qrupları ilə yanaşı Qarabağda döyüşmüş keçmiş hərbçilər və müharibədə öldürülmüş əsgər valideynləri də qoşulurlar. Onlar baş nazir Nikol Paşinyanın istefası və həbsini tələb edirlər.

Tural Tağıyev
AzVision.az



Teqlər: İrəvan   Aksiya  



Xəbər lenti