İştirakçılar yuxu rejimlərini qeydə almaq üçün döşəklərinin altına yerləşdirilmiş FDA (ABŞ Ərzaq qidalarına və Dərmanlara nəzarət İdarəsi) tərəfindən təsdiqlənmiş tibbi sensorlardan istifadə ediblər. 62 milyondan çox gecənin təhlili isti günlərdə apnoe riskinin 45% artdığını müəyyənləşdirib.
Alimlərin hesablamalarına görə, 27°C-dən yuxarı temperaturda növbəti gecə yuxu apnoesinin inkişaf ehtimalı sərin hava – təxminən 6°C ilə müqayisədə əhəmiyyətli dərəcədə artır. Bu təsir xüsusilə Avropa ölkələrində və artıq çəkidən əziyyət çəkən insanlar arasında özünü göstərib.
Obstruktiv yuxu apnoesi yuxu zamanı tənəffüsün qısa müddətə dayandığı, yuxunun strukturunun pozulduğu və şəkərli diabet, hipertoniya riskinin artması və yol-nəqliyyat hadisələrinə düşmə kimi ciddi sağlamlıq nəticələrinə malik bir vəziyyətdir.
Tədqiqatın müəlliflərinin fikrincə, iqlim sabitliyinin qorunub saxlanması yuxu pozğunluqlarının və onunla əlaqəli xəstəliklərin qarşısının alınması üçün effektiv tədbirlərdən biri ola bilər. Alimlərin hesablamalarına görə, əgər qlobal temperatur sənayeləşmə dövründən əvvəlki (1850-1900) səviyyələrlə müqayisədə 1,8 °C və ya daha çox artarsa, 2100-cü ilə qədər obstruktiv yuxu apnoesinin yayılması 1,2-3 dəfə artacaq.
Sahil İsgəndərov
AzVision.az
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-10682601696.jpg&h=190&w=280&zc=1&q=100)
-1780404767.jpg&h=190&w=280&zc=1&q=100)
-1780398749.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
