“Hazırda İsraillə sülh sazişlərinin əldə edilməsi ehtimalı istisna olunur. Regionda vəziyyət çox sürətlə dəyişir və Dəməşq Suriyanın suverenliyini qoruyacaq razılaşmanın əldə olunmasında ərəb dövlətlərinin roluna ümid edir”, - mənbələrdən biri deyib.
Bundan əvvəl Suriyanın müvəqqəti prezidenti Əhməd əl-Şəraa Suriya hakimiyyətinin İsrail ordusunun ölkənin cənub-qərb bölgələrinə davamlı zərbələrini dayandırmağa çalışdığını bildirib.
Dialoqda iştirak edən suriyalı mənbəyə istinad edən “Kan News”telekanalı, öz növbəsində, Dəməşqin İsraildən öz qoşunlarını ölkənin cənubundan çıxarmasını tələbini qoyduğunu, lakin danışıqlarda Colan təpələri ilə bağlı məsələ qaldırılmadığını bildirib.
Mənbənin sözlərinə görə, Suriya tərəfi İran, “Hizbullah”, “HƏMAS” və “İslami Cihad”dan uzaqlaşır və gərginliyi azaltmaqda qərarlıdır.
- Hazırda Colan təpələri məsələsi ümumiyyətlə müzakirə olunmur. Hələ tezdir. Amerikalılar əsas amildir”, - xəbərdə vurğulanır.
Həmçinin, BMT-də Suriyanın yeni lideri Əhməd əl-Şəraa ilə İsrailin baş naziri Binyamin Netanyahu arasında görüşün keçirilə biləcəyi də məlum olub. Eyni zamanda Dəməşq Səudiyyə Ərəbistanının vəliəhd şahzadəsi Məhəmməd bin Salmanın Suriyaya səfərinə də hazırlaşır.
Sahil İsgəndərov
AzVision.az
Vaxtında, Aydın, Lazımlı!
-1780404767.jpg&h=120&w=187&zc=1&q=70')
