AzVision.az UTX-nin Telegram-kanalının yaydığı məlumata istinadən xəbər verir ki, saxlanılanlardan biri Kiyevdə texniki universitetin 24 yaşlı keçmiş tələbəsidir. O, 2023-cü ildə akademik uğursuzluğa görə qovulduqdan sonra Ukrayna paytaxtında qalıb. İkincisi, Çində yaşayan, lakin mütəmadi olaraq Ukraynaya səfər edən və oğlunun hərəkətlərini koordinasiya edən birinci şəxsin atasıdır.
“Gənc oğlan ən son silahların hazırlanmasına çıxışı olan ukraynalı mütəxəssisi casusluğa cəlb etməyə çalışıb. Onun məqsədi “Neptun” kompleksi haqqında rəsmlər və texniki məlumatlar əldə etmək olub”, - istintaqın materialında deyilir.
UTX bildirir ki, ilkin mərhələdə şübhəlini ifşa edib, onu köçürmə zamanı məxfi materiallarla saxlayıb. Daha sonra məlumatları Çin kəşfiyyat orqanlarına verməli olan ata da saxlanılıb.
Axtarışlar zamanı casusların telefonları və digər məlumat daşıyıcıları müsadirə edilib. Hər iki şəxs Ukrayna Cinayət Məcəlləsinin 114-cü maddəsinin 1-ci hissəsi (“Casusluq”) ilə şübhəli bilinir. Onları 15 ilə qədər həbs gözləyir.
“RK-360MC Neptun” Ukraynanın orta mənzilli gəmi əleyhinə raket kompleksi 2020-ci ildə istifadəyə verilib. Sistem 2022-ci ilin aprelində Rusiya Qara Dəniz Donanmasının flaqmanı olan “Moskva” kreyserinin məhv edilməsindən sonra geniş şöhrət qazanıb.
Sahil İsgəndərov
AzVision.az
Kiyevdə çinli casuslar saxlanılıb
09 İyul 2025
Oxunub:1570
Ukrayna Təhlükəsizlik Xidmətinin (UTX) Əks-Kəşfiyyat idarəsi Kiyevdə Ukraynanın “RK-360MC Neptun” raket sisteminin məxfi texniki sənədlərini əldə etməyə cəhd göstərən iki Çin vətəndaşını saxlayıb.
Teqlər:
Vaxtında, Aydın, Lazımlı!
-1780404767.jpg&h=120&w=187&zc=1&q=70')
