AzVision.az “AFP” agentliyinə istinadən xəbər verir ki, iyulun 17-də Taybey sözün əsl mənasında yarım saat ərzində donub: hava həyəcan siqnalı ilə küçələr boşalıb, sakinlər metrolara, zirzəmilərə və sığınacaqlara eniblər. Polis avtomobillərin hərəkətini dayandırıb və yoldan keçənləri təhlükəsiz ərazilərə yönləndirib. Bəzi insanlar ofis binalarında və yeraltı keçidlərdə gizlənirdilər.
Parallel olaraq, humanitar yardımın paylanması ssenariləri də işlənirdi - paylama məntəqələrində düyü, yağ və duz üçün növbələr düzülürdü.
“Keçən il vəzifəyə gələn Tayvan prezidenti Lay Tsinde adanın müdafiə qabiliyyətini fəal şəkildə artırır, həm ordunu, həm də mülki əhalini cəlb etmək siyasəti aparır. Təlimlər Tayvanı üsyankar əyalət sayan Çininin ada üzərində nəzarətin bərpa olunması üçün güc ssenarisini istisna etməyən Pekinlə münasibətlərin xeyli kəskinləşməsi fonunda keçirilir”, - agentlik yazır.
Manevrlərin hərbi hissəsi kimi “Han Quan” əməliyyatı son illərdə ən böyük miqyasda ehtiyatda olan hərbçilərin iştirakını və şəhərsalmada döyüş aparan təlimləri əhatə edir. Tayvan hərbçiləri düşmən qoşunlarının enişləri, gecə metro əməliyyatları və kütləvi zərbələr altındakı hərəkətlərin dəf olunmasına hazırlayır.
İlk dəfə olaraq, belə genişmiqyaslı təlimlər ABŞ silahlarının, xüsusən də paytaxtın görünən nöqtələrində yerləşdirilən portativ “Stinger” zenit sistemlərinin və mobil raket qurğularının tətbiqi ilə həyata keçirilir.
Analitiklər vurğulayırlar ki, bu cür təlimlər təkcə ordunun hərəkətləri üzərində iş aparmır, həm də mülki şəxslərin müasir müharibənin reallıqları haqqında anlayışını formalaşdırır.
Sahil İsgəndərov
AzVision.az
Tayvan Çinə cavab verməyə hazırlaşır
17 İyul 2025
Oxunub:953
Tayvan adasında Çinin mümkün hərbi işğalına hazırlıq məqsədi daşıyan irimiqyaslı təlimlər davam edir.
Vaxtında, Aydın, Lazımlı!
-1780404767.jpg&h=120&w=187&zc=1&q=70')
