Türkiyədə yanğınlar səngimir | VİDEO

Türkiyədə yanğınlar səngimir | VİDEO
  27 İyul 2025    Oxunub:550
Türkiyənin Bursa şəhərində baş verən yanğın yaşayış məntəqələrinə də keçib, Karahıdır rayonları və Saytabat kəndinin sakinləri təxliyə olunur. Gürsu və Kestel rayonları arasındakı meşədə də yanğın davam edir.
AzVision.az Türkiyə mediasının yaydığı məlumatlara istinadən xəbər verir ki, meşə yanğınları şəhərdə yaşayış binalarına yaxınlaşır. Ölkədə bir neçə həftədir ki, həddindən artıq istilər fonunda irimiqyaslı yanğınlar davam edir.



“Akkuyu” Atom Elektirk Stansiyasının (AES) tikinti sahəsində meşə yanğınları başlayıb. Yanğının söndürülməsinə Rusiya istehsalı olan “Be-200” təyyarələri və “Mi-8” helikopterləri cəlb edilib.

Yanğınlar Türkiyənin kurortlarına da çatıb | VİDEO
Obyektin tikintisində 10 mindən çox rusiyalı işləyir. Zərərçəkənlər barədə məlumat yoxdur.
Bundan əvvəl Türkiyə rəsmiləri ölkənin şimal-qərbində yerləşən 5 vilayətdə: Eskişehir, Balıkesir, İzmir, Afyonkarahisar və Manisada meşə yanğınlarının yaşandığı barədə açıqlama vermişdilər.



Türkiyədə tüğyan edən meşə yanğınları həmçinin Antalya kurort şəhəri ilə yanaşı, Aksu, Muratpaşa və Manavqat qəsəbələrinə də sirayət edib.

Türkiyənin Kənd və Meşə Təsərrüfatı naziri İbrahim Yumaqlının sözlərinə görə, yanğınlar nəticəsində 10 nəfər ölüb.

Sahil İsgəndərov
AzVision.az



Teqlər:   Türkiyə   yanğınlar  



Xəbər lenti


Azvision.az ©2014 | Bütün hüquqları qorunur