AzVision.az xəbər verir ki, bununla bağlı mənbələrə istinad edən “CNN” telekanalı məlumat yayıb.
ABŞ-da keçmiş prezidentlər ömürlük qorunurlar. Kamala Harris, keçmiş vitse-prezident kimi, qanuna görə, vəzifədən getdikdən sonra altı ay müddətində mühafizə olunub.
“Onun mühafizə müddəti iyulun 21-də başa çatmalı idi. Lakin keçmiş prezident Co Bayden vəzifədən getməzdən bir müddət əvvəl gizli sərəncamla siyasətçinin qorunması şərtlərini daha bir il uzadıb”, - məlumatlı mənbə telekanala bildirib.
ABŞ-nin indiki lideri Donald Tramp “Daxili Təhlükəsizlik nazirinə Memorandum” başlıqlı məktubda 2025-ci il sentyabrın 1-dən etibarən, qanunla tələb olunanlardan başqa, keçmiş vitse-prezident Kamala Harrisin təhlükəsizliyinin təminatı ilə bağl bütün prosedurların dayandırılmasına çağırıb.
Maraqlıdır ki, bundan əvvəl ABŞ-nin Demokratlar partiyasının bir sıra nümayəndələri Kamala Harrisi 2028-ci il prezident seçkilərində namizəd kimi görmək istəmədiklərini bildiriblər. “Politico” nəşrinin mənbəsinin iddiasına görə, bunun üçün demokratların daha perspektivli namizədləri var.
Sahil İsgəndərov
AzVision.az
Kamala Harris dövlət mühafizəsindən məhrum olunub
29 Avqust 2025
Oxunub:1351
ABŞ prezidenti Donald Tramp ötənilki prezident seçkilərində Demokratlar Partiyasından onun rəqibi, sabiq vitse-prezident Harrisin dövlət tərəfindən təhlükəsizliyinin təminatını ləğv edib.
Vaxtında, Aydın, Lazımlı!
-1780404767.jpg&h=120&w=187&zc=1&q=70')
