AzVision.az Qırğızıstan parlamentinin mətbuat xidmətinin məlumatına istinadən xəbər verir ki, təşəbbüs qrupunun təklifini iclasda iştirak edən 89 deputatdan 84-ü dəstəkləyib.
Bir qrup deputat seçki sistemini yeniləmək üçün vaxtından əvvəl istefa verməyi təklif edib. Təşəbbüsçülər Konstitusiyaya əsasən, parlament seçkilərinin 2026-cı ilin noyabrına, prezident seçkilərinin isə 2027-ci ilin yanvarına təyin edildiyini diqqətə çatdırıblar. Onların fikrincə, bu cür qısaldılmış müddət lüzumsuz xərclərə gətirib çıxaracaq və Mərkəzi Seçki Komissiyasının işinə çətinlik yaradacaq.
“Prezident və parlament seçkiləri kimi 2 mühüm siyasi hadisə arasında müddət fərqi qısadır. Ona görə də ölkədə siyasi sistemin və sabitliyin möhkəmləndirilməsi üçün təşəbbüs qrupu parlamentin könüllü olaraq istefa verməsini təklif edib”, - təşəbbüsün müəlliflərindən biri olan deputat Ulan Primov deyib.
Qırğızıstan parlamentinin hazırkı 7-ci çağırışı yeni seçkilərin tarixi rəsmi elan olunana qədər fəaliyyətini davam etdirəcək. Növbədənkənar seçkilərin təyin edilməsi haqqında fərmanı Qırğızıstan prezidenti imzalamalıdır.
Seçkilər yeni sistemlə keçiriləcək: 30 seçki dairəsinin yaradılması nəzərdə tutulub ki, onların da hər birində üç deputat (iki kişi və bir qadın) seçiləcək.
Sahil İsgəndərov
AzVision.az
Qırğızıstan parlamenti vaxtından əvəvl buraxılıb
25 Sentyabr 2025
Oxunub:892
Qırğızıstan parlamentinin deputatları vaxtından əvvəl özünü buraxma haqqında qanunvericilik layihəsini qəbul ediblər.
Teqlər: Qırğızıstan parlament buraxılma
Vaxtında, Aydın, Lazımlı!
-1780404767.jpg&h=120&w=187&zc=1&q=70')
