"Müharibənin başa çatması üçün əvvəla İsrail tərəfi addım atmalıdır. Baş nazir Benyamin Netanyahu Donald Trampın planına həqiqətən də sadiqdirsə, atəşkəs çoxdan baş tutmalı idi. Ümumiyyətlə isə, Misirdəki danışıqlar fonunda 20 bəndlik planda nəzərdən keçiriləsi məqam çoxdur. Danışıqların nəticəsi barədə nikbin, yaxud bədbin reaksiya vermək hələ tezdir", - katib vurğulayıb.
Məcid Əl-Ənsarinin fikrincə, ABŞ Prezidentinin planına alternativ təkliflər üzərində, həmçinin Fələstinin iranyönümlü HƏMAS terror təşkilatının Qətərdəki siyasi gələcəyini haqqında müzakirə aparmaq hələ tezdir.
|
| Axios: "Vasitəçilər HƏMAS-ı müharibəyə son qoymağa çağırırlar" |
Xatırladaq ki, ötən ay İsrail Hərbi Hava qüvvələri Qətərin paytaxtı Dohada HƏMAS-ın bir sıra ali liderinin toplaşdığı nöqtəyə aviazərbə endirib. Bir sıra dünya lideri, o cümlədən ABŞ Prezidenti Donald Tramp İsrailin bu gözlənilməz hücumunu pisləyərək, İsrail və HƏMAS arasında "atəşkəs danışıqlarına vurulan zərbə" adlandırıb. Eyni zamanda, Qəzza zolağında müharibənin həlli istiqamətində əsas vasitəçilərdən sayılan Qətər hökuməti də bu məsələnin onlar üçün artıq "ikinci plana keçdiyini" bildirib.
Firudin Həmidli
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
