“Planet Labs” onlayn arxivindən bir sıra şəkillər avqustun 6-dan sentyabrın 5-dək Tibet Muxtar rayonundakı “Şiqatse-Pei” aviabazasında ən azı üç “GJ-11” PUA-sını göstərdi.
“İki pilotsuz təyyarə boz rəngə boyanıb, digəri isə sınaq prototiplərinə xas olan qırmızı-qəhvəyi qoruyucu örtüyə malikdir. Eyni kadrlarda oxşar örtüklü digər hərbi təyyarələr də görünürdü. Sınaq mərhələsi ilə uzlaşan fəallıq platformanın döyüş hazırlığına yaxınlaşdığına dəlalət edə bilər”, - xəbərdə deyilir.
“GJ-11” layihəsi on ildən artıqdır ki, inkişaf etdirilir. Platformanın zərbə və kəşfiyyat missiyaları üçün nəzərdə tutulduğu, həmçinin hava-hava döyüşündə istifadə potensialının olduğu bildirilir.
Pilotsuz təyyarənin “uçan qanad” dizaynı, ABŞ-nin bu cür dizaynlarla bağlı ictimai mövqeyindən fərqli olaraq, onu Çinin gizli pilotsuz platformalara investisiyasının diqqətəlayiq nümunəsinə çevirir.
“Şiqatse” aerodromu Çinin cənub-qərb cinahında, Hindistan sərhədi yaxınlığında yerləşir ki, bura da vaxtaşırı sərhəd insidentlərinə meylli bir bölgədir. “GJ-11”-in burada yerləşdirilməsi yüksək hündürlükdə manevr taktikasını, eləcə də pilotsuz təyyarələrin pilotlu təyyarələrlə birgə əməliyyatlara inteqrasiyasını tətbiq etmək imkanı verir.
- Bir neçə “Sharp Sword (kəskin qılınc)” PUA-sının eyni vaxtda iştirakı pilotsuz təyyarələr arasında koordinasiyanı, onların peyk təyyarələri (xüsusilə “J-20”) ilə qarşılıqlı əlaqəsini və platformanın mümkün muxtariyyət səviyyəsini sınamaq imkanı yaradır”, - analitiklər vurğulayırlar.
Çin mənbələrində və qeyr-rəsmi hesabatlarda quru bazası versiyasından başqa “GJ-11H/GJ-11J/GJ-21-in dəniz variantları və ya daşıyıcıya əsaslanan törəmələrin də olduğu bildirilir.
Sahil İsgəndərov
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
