Xarici İşlər Nazirliyi Rusiyanın Oxot dənizində batan “Dalniy Vostok” gəmisində azərbaycanlıların olması ilə bağlı məsələyə aydınlıq gətirib.
XİN-in mətbuat katibi Hikmət Hacıyev AzVision.az-a açıqlamasında bildirib ki, artıq bununla bağlı nazirlik Azərbaycanın Rusiyadakı səfirliyinə təlimat verib:
“Xarici İşlər Nazirliyi tərəfindən Rusiyadakı səfirliyimizə təlimat verilib. Səfirliyimiz Rusiyadakı diplomatik kanallar vasitəsilə məsələni araşdırır. Eyni zamanda qəzada zərərçəkən azərbaycanlılarla bağlı Rusiya rəsmi məlumat yaymayıb”.
H.Hacıyev qeyd edib ki, qəzada zərərçəkən azərbaycanlıların sayı ilə bağlı rəsmi məlumat yoxdur.
Qeyd edək ki, Rusiyanın “Dalniy Vostok” gəmisi Oxot dənizində Maqadandan 300 kilometr aralıda batıb. Hadisə zamanı 54 nəfər dünyasını dəyişib. Zərərçəkənlər arasında azərbaycanlılar da var.
Sevinc İltifatqızı
AzVision.az
Rəsmi Bakı 54 nəfərin öldüyü qəzanı araşdırır
02 Aprel 2015
Oxunub:2287
Vaxtında, Aydın, Lazımlı!
