ANS Şirkətlər Qrupu prezidentinin media üzrə müşaviri Mais Məmmədov AzVision.az-a bildirib ki, Ləman Ələşrəfqızı işdən çıxmayıb. “Ləman işdən çıxmayıb, onu işdən çıxardıblar. Bunlar tam fərqli məsələlərdir”.
M.Məmmədov mediada Ləman Ələşrəfqızının ANS-in vitse-prezidenti Seyfulla Mustafayevlə dalaşması haqda yayılan məlumatlara münasibət bildirmək istəməyib.
Qeyd edək ki, jurnalist Ləman Ələşrəfqızı özünün Facebook hesabında bildirmişdi: “20 ildir jurnalistikadayam. Bu sahədə fəaliyyətim şükür Allaha göz qabağındadır. Nə plagiatlığım oldu, nə adımdan sui-isifadəm. Zərdabi mükafatını da, Əməkdar jurnalist adını da utana-utana yox, alın tərimlə qazandım. Dekabrdan bu yana hazırladığım sənədli filmlər də düşünürəm ki, mənə yaradılmış imkan daxilində yetərincə maraqlı işlərdir. Artıq filmin sonuna gəldim. Sözün hər cür anlaşılan mənasında işim bitdi. Bu işi qiymətləndirənlərə sağ olun deyirəm, görməzdən gələnləri vicdanlarıyla baş-başa buraxıram. Bu müqəddəs bayramda Allah hər kəsin ürəyincə versin! Çox yoruldum. Hər şeydən, haqsızlıqdan, ədalətsizlikdən, başında üçcə dənə tükdən başqa heç nəyi olmayanların hikkəsindən, mənəm-mənəmliyindən, çığır-bağırından. Jurnalistikanı isə sevirəm və çoxlarının acığına hələ uğurlarım qabaqdadır!”.
Aytən Zəhra
AzVision.az
`Ləman işdən çıxmayıb, çıxardıblar` - ANS-dən açıqlama
17 İyun 2016
Oxunub:10646
ANS telekanalı Əməkdar jurnalist Ləman Ələşrəfqızının işdən çıxmasına münasibət bildirib.
Teqlər:
Vaxtında, Aydın, Lazımlı!
